الخرطوم: سودان برس
أثارت تغريدة دونها محمد ناجي الأصم على حسابه في تويتر غضب عدد من رواد مواقع التواصل الاجتماعي، وهاجم غالب المتداخلين الأصم ووصفوه بالانتهازي وانه باع الثورة والشهداء.
بالمقابل قابل عدد من المتداخلون عودة الأصم وخروجه من المعتقل بتمنيات السلامة ودعوا للاستفادة من الماضي.
ودون الأصم عقب الإفراج عنه من المعتقل مساء اليوم تغريدة قال فيها “الرحمة والمغفرة والجنان للشهداء بإذن الله، ونحن على دربهم ودرب شعبنا حتى تمام الوصول”
وأضاف “الثورة السودانية تدخل عامها الرابع بكل قوة وتصميم وارادة ومصيرها ان تنتصر”
وختمها بهاشتاق #الردة_مستحلة.
وقال مشارك باسم عكرمة “اربعه سنه مضت هدرت فيها كثير من دماء الشباب.. كنتم نائمون حين استلمتم مقاعدكم في السنتين الماضيين ولم تطالبوا بحقوق الشباب ونسيتوا فض الاعتصام وما كنتوا قايلين بجي يوم وبتنزلوا امضوا وحدكم لسنا معكم”.
وقال مشارك باسم نور الجليل “مافي أي شهداء ولا كانوا في يوم من أولوياتكم بل تصارعتم فيما بينكم من أجل الكراسي حتى جاءكم الطوفان وريحنا منكم وربنا يتقبل الشهداء ويشفي الجرحى واذهبوا انتم للجحيم ولا عزاء للمتسلقين من أمثالكم، الثورة أنتهت يا انتهازي”
وغردت مريم صلاح قائلة “يا ريت بعد كدا تخلوا خلافاتكم السياسية على جنب وتتفقوا على آلية تخلي السودان وشعبه يعبروا لي التحول المدني الديموقراطي ويكون دا هدفكم الوحيد .. الشعب السوداني عمرو ما كان متفق في الثورات الفاتت زي ما هو متفق الآن .. يا ريتكم تفهموا الدرس دا”.





