سجل الآن سجل الآن سجل الآن
  • الرئيسية
  • أخبار
  • العالم
  • سياسة
  • اقتصاد
  • حوادث
  • رياضة
  • آراء
  • تقنية
  • منوعات
  • عيادة
سودان برس
  • الرئيسية
  • أخبار
  • العالم
  • سياسة
  • اقتصاد
  • حوادث
  • رياضة
  • آراء
  • تقنية
  • منوعات
  • عيادة
No Result
View All Result
  • الرئيسية
  • أخبار
  • العالم
  • سياسة
  • اقتصاد
  • حوادث
  • رياضة
  • آراء
  • تقنية
  • منوعات
  • عيادة
No Result
View All Result
سودان برس
No Result
View All Result

عبدالعزيز المازري – العمود الحر || أرَحْكُم النقعة يا حلاة الصَّقعه!!!

by
04/10/2018
in آراء
0
عبدالعزيز المازري – العمود الحر || أرَحْكُم النقعة يا حلاة الصَّقعه!!!
0
SHARES
1
VIEWS
فيس بوكتويترواتسابتلغرام

*والمريخ كان منتظر شيء ومالقى أي شيء

*وكل شيء وليهو شيء والمريخ الما عندو شئ

*أحلى ما في انتظار الامس ذلك الهمس وأمل المريخاب الاوكتاب الما انقطع

*فحتى وهم منهارين من احفاد السلاطين كانوا متجهين بكلياتهم لكردفان الغرة أم خير جوه بره

*فسبحان مغير الاحوال من حال الى حال، ناس كانوا منتظرين الاحتفال بقوا يفتشوا في الشكاوي ونتائج الغير

*الما اكلتو بايدك بمشي ويسيبك

*لكن ياشمسنا الضوايه وقناة الملاعب حزنكم ظاهر وعملتوها ظاهرة وين الساعة وعم سمساعة

*وهلالنا ده الما مِتْلو شيء بقى قريب من اللقب وعندما يداعب الهلال اللقب يادوب الكان مؤمل بيتعب

*غايتو مباراة المريخ دي زي الشافعه المشوا قدوا ليها أضانها وما لقت الحلق.

*يعني تاني نقول ياحليلم المريخاب في زول بركب الوتد وما عندو حق الخروف

*وناس الهلال ديل امبارح دوروا ليك في الوسائط شغل عجيب والجماعة لبدوا

*وصاحبنا امير الخليفة عبر حسابه اصلو ما جامل وما أحلى تغريدو عندما قال صدق الكاردينال عندما قال ستعود الستة نقاط !

* قال ايه: نحن من نبعث الحياة للهلال من جديد، ونحن من نضخ فيهم العزيمة. محمد الشيخ مدني .. امشي شوف مدارسك مع عبد الصمد، مال اوكتاي وحده لا يخلق فريق ولا يحقق بطولات .

*وجمال سالم مخترق!! ياربي الاخترقو منو والوصل لي منو !!

*ونقول سمح الغنا من خشم سيدو..

*والليله لا عندنا كلام مع لامين ولا عن هلال الملايين اصلو الموضوع منتهي ومن راهن على الاقمار ما خاب رهانه

*لامين ده ما اظن نصيح او طبيعي زول بلعب اربعة باكات في مباراة! حير ليك الزولفاني لمن غير فنيلتو

*غايتو لامين اشتغل شغل عجيب بشه دخل المباراة ما نفذ المطلوب طوالي غيرو! ما عندو كبير يعني موعودين بمدرب تكتيكي من الطراز الفريد.

*لكن اطهر الليلة غير.. والعملو سكتنا وقفل خشمنا!.. أتاري كان عندو رأي ورايو براهو!.. ياخي تاني خليك قدام اوعك ترجع وراء ما دام دي خانتك المفضلة

*بويا وحسين الجريف عشرة على عشرة.. خاصة في الكرات العالية وتناسق وتفاهم وفدائية.

*الصورة اتغيرت

*وكسبنا الجولة وفي انتظار اللقب ونحنا ماشين بلد السلاطين

*نحنا ماشين بلد السلاطين ومنتصرين ما مهزومين ولا مضروبين

*والهلال بمباراة الامس حقق مكاسب عدة! الشعلة هداف للدوري الممتاز وسيد البلد على بعد خطوات من الاحتفاظ باللقب.

*وتاني نرجع للمريخ ومرسى الفاشر لو ما فاطر ما تخاطر.

*وكأس السودان حافظوا على السمعة ما يبقى زي قصة النقعة وحلاته الصقعه اصلو اولاد كردفان ديل حارين ومن خمسة ولي فوق.

*تبلدينا لي قدام والقادم أحلى وفي انتظار التتويج اليوم كنا سلاطين وغدا سنكون علناً جهاراً نهاراً مع اولاد التبلدي مش اولادنا وكده.

*الوضع الطبيعي ان يكون الهلال سيد اللقب ولا عجب.

*في امدرمان في الواق واق في فاشر السلطان سيد اللقب.

*ومازال الجماعة في رحلة البحث عن لقب!!

ملحوظة: الرجاء ابلاغ الاعلامية ميرفت بقناة النيل الازرق التغيير الى البحث عن لقب بدل هدف!

*القصة والتفوق الهلالي ليست اسماء وألقاب! انها قصة روح وجماعية وإلفة وسحر خاص يتمتع به لاعبو الازرق.

*قبل مباراة اليوم طاردت الاصابات نجوم الهلال وأعمدته.. بشه الكبير والشغيل وجيوفاني، ورغم ذلك تعامل لامين مدرب الهلال بواقعية وحقق المراد بما يملك من لاعبين.

* لامين خلق من الهلال فريق جماعى وليس لاعباً واحداً أو لاعبين. ودون شك سيكون غياب الثلاثى مؤثرًا فى عمليات التغيير والتبديل أثناء المباراة إلا أن الفريق تعرض لغيابات سابقة ومضى منها بسلام وبنجاح.. لأنه فريق وليس لاعبًا.. !

*اكثر ما يطمئن الآن ان الهلال قوته في الجماعية وفى قدرة لاعبيه على تنفيذ تكتيك المدرب الصارم.. هم جميعاً يدافعون من أول نقطة إلى آخر نقطة. وهم جميعاً يهاجمون بخطوطهم الثلاثة لتحقيق المطلوب.

* مفتاح المباراة الأول ليس لاعبا أو ثلاثة. ولكنه الفريق وشخصية الهلال.

*شكرا نجوم الهلال شكراً لامين ودوماً منتصرين.

كلمات حرة:

*ألو الزولفاني وين فارشين.. قصدي .. متى راجعين مضروبين ومقهورين.

*وجود نمر في تشكيلة المريخ أكبر مكاسب الفرق الأخرى التي تعمد على الاستفادة من وجوده.

*واخونا الجعلي الحر.. فتحي الجعلي.. جنو رميات لكن ما رميه (النجمة ام ضنب.. البكاء والنويح مابفيدك…مابصح تتفلسفي وتمشي قدام سيدك) (ديل ناسا كبار امشي قارعي نديدك….والفي (فاشر السلطان) كانت عواسة ايدك..

*مخير الله على عبادو .. المريخ إنضرب من اولادو.

*آخر كلمة:

ملاريا غيبت الحكام قام انضرب الحمام

*كلمة حرة اخيرة:

الفاشر كيف؟ وكيف..

 

صفحة الهلال على الفيسبوك

Tags: أعمدة رياضية-أعمدة-رياضية-رياضة-عمود-كاتب-مقال-رأي-آراء-كتابات-مقالات-الكاتب-عبدالعزيز المازري-العمود الحر-أرَحْكُم النقعة يا حلاة الصَّقعه
Previous Post

الهلال يهزم التبلدي بهدف ويقترب من التتويج بلقب الممتاز

Next Post

هولندا تحبط “هجوماً إلكترونياً” وتستدعي السفير الروسي

Next Post
هولندا تحبط “هجوماً إلكترونياً” وتستدعي السفير الروسي

هولندا تحبط "هجوماً إلكترونياً" وتستدعي السفير الروسي

  • سياسة الخصوصية
  • من نحن
  • اتصل بنا
  • اعلن معنا
سودان برس .. موقع الكتروني اخباري سوداني مستقل، يعمل على تعزيز “الحريات العامة، حرية التعبير، العدالة والسلام، حقوق الإنسان والديمقراطية” من خلال قوالب تحريرية احترافية تقدم “الاخبار المهنية، والمعلومات، التحليلات والآراء، وتطورات الأحداث” عبر طاقم من الصحفيين المحترفين بالداخل والخارج مدعوم بشبكة مراسلين بولايات السودان المختلفة، ويغطي “سودان برس” كافة الأخبار المحلية والعالمية والإقليمية في الجوانب السياسية والاقتصادية والاجتماعية والثقافية والرياضية والفنية، مع قناعتنا بأن الخبر مقدس والراي حر.

جميع الحقوق محفوظة @ لموقع سودان برس | 2023م|

No Result
View All Result
  • الرئيسية
  • أخبار
  • العالم
  • سياسة
  • اقتصاد
  • حوادث
  • رياضة
  • آراء
  • تقنية
  • منوعات
  • عيادة

جميع الحقوق محفوظة @ لموقع سودان برس | 2023م|