كلم محيميد ولدي في الخرتوم قول ليهو العوينات بقن مابشوفن والغنيمات ماتن، وأمك قالت ليك كان ماجيت عرست (فطين) بت السره أختا ما عافي منك، قولو البيت داير زباله وماظنيتو يحمل الخريف.
وكلمو كمان قول ليهو الضوء ودعمك مساعد طلق سعديه إخيتك وهسع هي ووليداتا جو قاعدين معانا فوق بطن البيت.
كلموا قول ليهو سيد الدكان قال ماجبتو القروش تاني جرورة مافي، أمك بتدور البن والشاهي وانا بدور لي حجار اللات بطاريه ورادي.
وإن كان لي وليدات سعديه اخيتك مابتعشوا علا يسولم شعيريه قالوا مابياكلو الكسره بالليل والله الوليدات ديل مدلعين دلع شديد خلاس.
أهاماتنسى النعلات لي أنا وبرضو اخيتك(ام مهلين) قالت بتدور ليها سفنجه ابوحمامه نمرة9، أها ودعتك الله…
ساعي البريد في الزمن الجميل كان الناس ينتظرون طلته البهيه كطلة الخريف مطر أم بشائر حاملا الخطابات والتلغرافات والمصاريف لبعض الأسر.

